22:24 20-06-2019
Տիրոջ շնչառության կամ ձայնի մեջ խնդիրներ նկատելու դեպքում բարձրախոսն այդ մասին տեղյակ կպահի մոտակայքում գտնվող մարդկանց և կզանգահարի համապատասխան հեռախոսահամարով։
Վաշինգտոնյան համալսարանի հետազոտողները նախագծել են մի համակարգ, որը կարողանում է բացահայտել սրտի աշխատանքի դադարեցմանը բնորոշ ձայները: Այս մասին նշված է համալսարանի կայքում։
Թյուրիմացություններից խուսափելու համար արհեստական բանականությունը լսել է հսկայական քանակությամբ ձայներ, որոնք հնչում են սովորական քնի ժամանակ ( այդ թվում՝ խռմփոց, շնչառություն, փողոցային աղմուկ և այլն):
Բացի դրանից, արհեստական բանականությանը սովորեցրել են տարբերել, այսպես կոչված, սահմանային շնչառությունը (շնչառության ախտաբանական տարատեսակ, բնութագրվում է կարճ, խորը, ջղաձգային շնչառական շարժումներով), որոնք ձայնագրվել էին անհետաձգելի բժշկական օգնությունների ժամանակ: