21:01 14-06-2019
Հայ ծրագրավորողների և ինժեներների որակավորումը հետաքրքրում է խոշորագույն միջազգային ընկերություններին։
Հայաստանում շուտով կարող են հայտնվել այնպիսի խոշոր ընկերությունների մասնաճյուղեր, ինչպիսիք են Nvidia–ն, Intel–ը և IBM–ը։ Այս մասին կառավարության նիստից հետո լրագրողներին հայտնեց բարձր տեխնոլոգիական արդյունաբերության նախարար Հակոբ Արշակյանը։
Այս և այլ ընկերությունների ղեկավարների հետ նա հանդիպել է ԱՄՆ` վերջերս տեղի ունեցած իր այցի ժամանակ։ Վերոնշյալ միջազգային ընկերությունները Հայաստանը դիտարկում են որպես լավ պատրաստված մասնագետներով երկիր։ Այդ պատճառով նրանք ցանկանում են այստեղ գրասենյակներ ունենալ, որտեղ կաշխատեն տեղի մասնագետները։