20:49 12-09-2019
Apple ընկերությունը առերեսվում է ավելի ցածր գին ունեցող սմարթֆոներ արտադրող ընկերությունների մրցակցությանը: Երեքշաբթի օրը Apple-ը ներկայացրեց նոր iPhone-ը Կալիֆոռնիայում կայացած ավանդական իր միջոցառմանը:
Կալիֆոռնիայում Apple ընկերության կենտրոնակայանում կայացավ ընկերության արտադրած նոր սմարթֆոնների՝ iPhone 11 Pro և iPhone 11 Pro Max հեռախոսների շնորհանդեսը: Այն ներկայացրեց ընկերության ղեկավար Թիմ Քուկը, ով նշեց, որ այս նոր սմարթֆոններն ունեն կատարելագործված տեսախցիկներ, որոնք չեն զիջում ընկերության հիմնական մրցակիցներ՝ Samsung և Huawei սմարթֆոններին:
Apple-ը նաև վերանայել է այս ապրանքատեսակի համար գները: Ի զարմանս շատերի iPhone 11-ի գինը սկսվում է 700 ԱՄՆ դոլարից ի տարբերություն անցած տարվա iPhone XR-ի, որի արժեքն էր 750 դոլար: Գնային քաղաքականության վերանայումը ազդանշան է, որ հաճախորդներից շատերը չէին ցանկանում փոխել իրենց հին Apple սմարթֆոները բարձր գների պատճառով:
Ընկերության ղեկավարը նաև տեղեկացրեց, որ նոր iPhone-ի կամ iPad-ի գնորդը կստանա նաև անվճար մեկ տարվա բաժանորդագրում Apple TV Plus հեռուստածառայությունից օգտվելու համար, որը կսկսվի նոյեմբերի 1-ից: Այս ծառայությունը կառաջարկի հատուկ նկարահանված տարբեր ժանրերի ֆիլմերշ հեռուստասերիալներ եւ հաղորդումներ ամսեկան 5 դոլարի անդամավճարի դիմաց: Այսպիսով Apple -ը մարտահրավեր է նետում այս ոլորտի Netflix և այլ առաջատար խոշոր ընկերություններին:
Ընկերության նոր սմարթֆոնները վաճառքի կհանվեն սեպտեմբերի 20-ից: